Բնականին ոչնչով չզիջող բուսական միս

Գիտնականները ստեղծել են մսի փոխարինիչ, որն արտաքնապես և համով ոչնչով չի տարբերվում սովորական մսից, սակայն իրականում այն ամբողջովին պատրաստված է բանջարեղենից, գրում է The Times of India-ն:

Եվրոպական «LikeMeat» ծրագրի մասնակիցների և մասնագետների խոսքով մսի արտադրությունն էկոլոգիապես անվտանգ է, դրան գումարած Եվրամիության մի շարք բնակիչներ հոգեպես պատրաստ են հրաժարվել մսից, իսկ բնության մեջ գոյություն ունեն մի շարք բույսեր, որոնք կարող են փոխարինել այն:

«Մեր նպատակն է արդյունաբերական ծավալներով ստանալ մսի բուսական փոխարինիչ: Այն պետք է շատ հյութալի լինի, համեղ և թելքավոր, ինչպիսին իսկական միսն է; Կարևոր է նաև պահպանման երկար ժամկետը և համեմատաբար ցածր գինը:
Փոխարինիչը կարող են ուտել ոչ միայն բուսակերները, այլև ալերգիկները», - ասել է նախագծի հեղինակ Ֆլորիան Ուալդը:

Հայտնի է, որ «մսի» արտադրությանը մասնակցում են Վիեննայի Բնական պաշարների և կյանքի գիտության համալսարանի, Նիդերլանդների Վագենինգենի համալսարանի և 11 ոչ մեծ կազմակերպությունների աշխատակիցները:

Այս պահին լաբորատորային պայմաններում արդեն ստեղծվել է գործարանի «բուսական միս» պատրաստելու նախատիպը:

Մասնագետները նշում են, որ «միսը» կունենա 1 սմ հաստություն և դրանից հնարավոր կլինի պատրաստել կոտլետներ:

Հարցեր, պատասխաններ, մեկնաբանություններ